Առկա հիվանդության և վնասվածքի բարդությունից ելնելով,  ոտնաթաթի հիմնական գործառույթները շտկելու և վերականգնելու համար անհրաժեշտ է օգտագործել անհատական ներդիրներ:

Պետք է հիշել, որ սովորական ներդիրների և անհատական ներդիրների միջև կան կառուցվածքային տարբերություններ:

Սովորական ներդիրները գործնականում չունեն ուղղիչ բարձիկներ (պելոտներ) և եթե նույնիսկ ունեն էլ, ապա շտկող  գործառույթ չեն կատարում։ Հիգիենիկ, սպորտային, ձմեռային ներդիրների օգտագործումը ապահովում է հարմարավետությունը, իսկ շաքարային դիաբետի դեպքում՝  կանխում ոտնաթաթի ցանի և մաշկի վնասվածքը, պաշտպանում ոտնաթաթը փոքր վնասներից՝ ոչ մասնագիտացված կոշիկներ կրելիս։

Անհատական ներդիրներն ունեն ինչպես ակտիվ, այնպես էլ պասիվ բարձիկներ, որոնք նախատեսված են ոտնաթաթի այն մասերի շտկման և բեռնաթափման համար, որոնք այս կամ այն ​​պատճառով չեն կատարում անհրաժեշտ կենսամեխանիկական գործառույթը, վերականգնում են ոտնաթաթի բնականոն անատոմիական և բիոմեխանիկական կառուցվածքը:

Հետևաբար, հարթաթաթության առկա բոլոր տեսակների համար, մասնավորապես՝ բնածին, ռախիտ, կաթվածք, տրավմատիկ և ստատիկ հարթաթաթության կանխարգելման, բուժման և վերականգնման գործընթացում օգտագործվում են անհատական ներդիրներ:

Անհատական ներդիրներ տեղադրվում են  ներբանի երկայնական առանցքային գծի երկայնքով, հիմնականում կալկանեուսից մինչև եղունգների ֆալանգների դիստալ մասը, ընդգրկում է ոտնաթաթն ամբողջությամբ, որոշ դեպքերում՝ կալկանեուսից մինչև մետատարսային ոսկորների գլխիկները:

Ներդիրները  բաժանվում են երկու հիմնական տեսակի՝ հենքային և հենարանային, որոնք պատրաստվում են անհատապես՝ համաձայն  բիոմեխանիկայի օրենքների և ոտնաթաթի առկա հիվանդության:

Կառուցվածքային առումով, հենքային ներդիրները բաղկացած են կոշտ պլաստիկ հենքից ՝ գործվածքային կամ կաշվե ծածկով: Կրունկի հատվածում կարող է տեղադրվել պեդիլենից կամ խիտ նեոպրենից պատրաստված փափուկ բարձիկ։

Այս ներդիրների թերությունը կոշտ հենքն է, երկայնակի և լայնակի կամարների ոչ լիարժեք հենարանը, որի պատճառով ոտնաթաթը ճոճվում է և նվազեցնում շտկման գործառույթը: Ֆունկցիոնալ չէ շաքարախտ ունեցող անձանց համար և գործնականում չի օգտագործվում կրնկախիթերի դեպքում:

Անհատական ներդիրների պատրաստման ժամանակ նյութն ընտրում է բժիշկը՝ հիմնվելով հիվանդի տվյալների վրա՝ ոտնաթաթի առկա հիվանդություններ, վնասվածքներ, քաշ, տարիք, մասնագիտություն:

Մինչև 24 տարբեր տեսակի մասեր են օգտագործվում մեկ զույգ անհատական ներդիրներ պատրաստելու համար, որոնցից յուրաքանչյուրը պատրաստվում է ձեռքով:

Անհատական ներդիրների լիարժեք հենարանային դիզայնը թույլ է տալիս այն օգտագործել գրեթե բոլոր տեսակի օրթոպեդիկ հիվանդությունների և ոտքերի վնասվածքների դեպքում:

Որպես կանոն, հենարանային անհատական ներդիրներ պատրաստելիս օգտագործվում է PE պլաստիկ (բարձր կամ ցածր ճնշման պոլիէթիլեն), խցան, բնական և կիսասինթետիկ, տարբեր խտության և կարծրության պոլիէթիլենային փրփուր թիթեղներ, հարվածը մեղմող սպունգ, բնական կամ սինթետիկ կաշի, տարբեր տեսակի գործվածքներ, բժշկական սիլիկոն, ծակոտկեն ռետին, ավելորդ քաշի դեպքում կարող է օգտագործվել նաև ալյումինե նյութեր, ածխածնի մանրաթելեր և այլն։